InicioDeportesO Burela FSF celebra a súa quinta Copa Galicia

O Burela FSF celebra a súa quinta Copa Galicia

Peque, por partida dobre, e Luci impulsan fronte ao Ourense Envialia (0-3) ao cadro laranxa, que recupera o título

Publicada o

- Advertisement -

O Pescados Rubén Burela FSF recuperou o título da Copa Galicia feminina despois de derrotar na final do torneo ao Ourense Envialia (0-3).

É o quinto galardón para o cadro laranxa, que obtivo o trofeo nas edicións de 2009, 2010, 2014 e 2015. Bea Mateos, lucindo o 5 da recentemente operada Cris, recibiu o trofeo de mans do presidente da Real Federación Galega de Fútbol, Rafael Louzán, e de Roberto García, xefe de Deportes da Xunta de Galicia na Coruña.

Peque adiantou as mariñás no minuto 9. O disparo da 7 do cadro burelao desde saque de banda tocou en Chiqui e desorientou a María de Val. A internacional española aumentou a renda pasado o cuarto de hora.

O Ourense Envialia tentou limar diferenzas co xogo de cinco no final da primeira metade e no inicio da segunda parte. O Burela FSF tivo ocasións para liquidar antes o encontro, pero non o conseguiu ata o minuto 38, cun tanto de Luci.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...